Los Anceles-2028 Yay Olimpiya Oyunlarına iki il qaldı.
Los Anceles-2028 Yay Olimpiya Oyunlarına iki il qalmış beynəlxalq atıcılıq ictimaiyyəti artıq diqqətini dünyanın ən mötəbər idman yarışına yönəldib. Olimpiya lisenziyaları uğrunda mübarizə bu ilin sonunda keçiriləcək ISSF Dünya Çempionatı Doha 2026 yarışında başlayacaq.
LA28 Olimpiya Oyunlarında atıcılıq idmanı üzrə tüfəng, tapança və stend növlərində ümumilikdə 15 medal dəsti uğrunda mübarizə aparılacaq. İdmançılar üçün növbəti iki il ərzində keçiriləcək ISSF Dünya Kubokları və qitə çempionatları Olimpiadaya vəsiqə qazanmaq baxımından həlledici əhəmiyyət daşıyacaq.
ISSF son illərdə yarışların təqdimatı, televiziya yayımları, rəqəmsal kommunikasiya və azarkeşlərlə əlaqələrin gücləndirilməsi istiqamətində mühüm yeniliklər həyata keçirib. Federasiya bu təşəbbüslərlə atıcılıq idmanının beynəlxalq nüfuzunun daha da artırılmasını hədəfləyir.
2026-cı ildə Dohada keçiriləcək Dünya Çempionatı LA28 üçün ilk Olimpiya lisenziyalarının sahibi olacaq idmançıları müəyyənləşdirəcək. Daha sonra 2027–2028-ci illərdə təşkil olunacaq ISSF Dünya Kubokları və qitə çempionatlarında əlavə lisenziyalar uğrunda mübarizə davam edəcək.
Qarşıdakı iki il dünyanın ən güclü atıcıları üçün həlledici mərhələ olacaq və hər yarış onları Los Anceles-2028 Olimpiya Oyunlarına bir addım da yaxınlaşdıracaq.
Xəbər linki: https://www.issf-sports.org/news/5145
