LA28: tüfəng, tapança və stend yarışlarında final formatları təsdiqləndi

ISSF Los Angeles 2028 Olimpiya Oyunları üçün atıcılıq idmanında final formatlarını təsdiqləyib. Yeni formatlar ISSF yarışlarında keçirilən sınaqlardan sonra hazırlanıb və məqsəd yarışların axıcılığını, tamaşaçı marağını və idmançıların çıxış imkanlarını artırmaqdır.

LA28 proqramında tüfəng, tapança və stend üzrə 15 medal yarışı olacaq. Əsas dəyişikliklər qarışıq komanda yarışlarına aiddir: 10m Air Rifle Mixed Team, 10m Air Pistol Mixed Team və Trap Mixed Team yarışlarında kvalifikasiyadan ən yaxşı 4 komanda birbaşa finala çıxacaq və hamısı eyni anda mübarizəyə başlayacaq.

Fərdi yarışlarda da dəyişikliklər var. 25m Rapid Fire Pistol Men finalında iştirakçı sayı 6-dan 8-ə artırılır. Həmçinin Trap və Skeet final yarışlarında da kişi və qadınlar üzrə finalist sayı 8 olacaq. 50m Rifle 3 Positions finalında isə dizüstü və uzanmış mərhələlər birləşdirilmiş vaxt limiti ilə keçiriləcək.

10m Air Rifle, 10m Air Pistol və 25m Pistol Women fərdi finalları isə Paris 2024 formatına uyğun olaraq dəyişməz qalacaq. İlk Olimpiya lisenziyaları bu formatlara əsasən ISSF World Championship Rifle / Pistol / Shotgun Doha 2026 yarışında veriləcək.

Xəbər linki: https://www.issf-sports.org/news/5086